۱۰ی خاکەلێوە لە ڕۆژێکی وەکوو ئەمڕۆدا قازی موحەممەد سەرۆک کۆماری کوردستان ،لەگەڵ هاوڕێکانی لە مەیدانی چوارچرای شاری مەهاباد بەدەستی نەیارانی کورد لەسێدارە درانپێشەوا قازی محمد دەمێ دادگەهكرنێ دا دەربارەی
بارزانیێ نەمر چ گوتە سەروكێ دادگەهێ؟؟
سەروكێ دادگەهێ سەرهەنگ عەتا: پشتی بارزانی چوی تە چ
پەیوەندی دگەل هەبون ئەگەر هەبن چ روژەكێ بو چەوابو؟؟
پێشەوا: حەتا بارزانی گەهشتیە دەوروبەرێن شنویێ مە پەیوەندی پێكڤەهەبون، لێ پشتی ژ وێرێ چوی مە چ پەیوەندی نەمان
سەروكێ دادگەهێ: دەمێ هەوە پەیوەندی هەین مەلا مستەفای چ گوتە تە و ئایا چ پلان بو رزگاركرنا تە هەبون؟؟
پێشەوا: مەلا مستەفا بارزانی گەلەك هەولدان ئەز دگەل بچم، تاكو بەری بكەڤمە دزیندانێ دا، گوتە من دلێ خو ب بێ تاوانیا خو خوش نەكەم، مەلا مستەفای وێنەیێ راستەقینەیێ هەوە عەجەمان بو من كێشا، و هایداركرم كا هوین دچەوانن و چنە و كی نە،
سەروكێ دادگەهێ: ئایا دێ شێی بێژی كا وێنەیێ بومە كێشای چ بو؟؟
ب راستی بارزانی پتر ژ هەمیا هوین دنیاسین، مەلا مستەفای گوتە من كو هیچ گەل و مللەتەك وەكی عەجەما نینن، عەجەم دەمێ دەستهەلات هەبیت كەس ژ وان بێ رەحمتر و بێ ویژدانتر و زالمتر نینن،
بەلێ هەكەر ژێر دەستبو كەس نەشێت و نزانیت وەكی عەجەمان خو مەزلوم و مەلیل دیاربكەت، ئەفجا تو ل هیڤیا هندێ نەبە كو تە چ تاوان نەكرینە عەجەم ل تە خوش ببن.
سەرهەنگ عەتا: تویێ پەشیمان نینی كو تو دگەل نەچوی؟؟
قازی محمد: ئەگەر خودێ مەزن ئەف شێوەیا مرنامن ب. هیلاك نەدانیت نەخێر ئەزیێ پەشیمان نینم، چونكی من سوزدابو مللەتێ كورد دگەل وان بژیم و دپێناڤی وان دا بمرم، ئەز دزانم هەكەر ئەز چوبام و نەكەفتبامە بەردەستێن هەوە، ئەزیێ پشت راستم دا گەلەك كەسان ژ خەلكێ مهاباد و مللەتێ كورد كوژن، لەورا ئەزیێ خوشحالم ب هندێ بو ئێكەم جار ئەز بێ تاوانی دێ هێمە كوشتن، یا دوێ ئەز پابەندبوم ب سوزا خو هیڤیدارم ری سورێ دنیا و قیامەتێ بم ل دەف خودێ و ل دەف مللەتێ خو.
سەرهەنگ: ئایا دەمێ تو د زیندانێ دابوی، بارزانی ژ دەرڤەی مهابادێ چ نەخشە و پیلانەك بو رزگاركرنا تە هەبون
قازی محمد: بەلێ بارزانی هەوال بو من فرێكر كو هەرشەڤەكا تەدڤێت دشێم ژمارەیەكا زور ژ پێشمەرگەهان فرێكەم، و بهێن و ب هەر جورەكێ بیت تە ژ زیندابێ رزگاركەن، مەلا مستەفای گەلەك حەزدكر نەمینمە دزیندانێ ڤە و نەهێمە كوشتن.
پرسیار: بوچی تەئەو كارە نەكر؟؟
بەرسف: من ب خو نەدڤیا
بوچی تویێ ئامادەنەبوی خو رزگاركەی؟
بەرسف: من بەری نوكە گوتەتە ژبەر ئەو سوزا من دایە مللەتێ خو و داكو پتر خوین نەهێتە رێتن
سەرهەنگ عەتا: ب راستی تو نیگەرانێ خوبوی یان بارزانیان یان سەربازێن مە؟؟
بەرسف: نەوەللا نە نیگەرانێ خوبوم و نە نیگەرانێ سەربازێن هەوە، بەلكو نیگەرانێ كوردان و لاوێن كوردان بوم، هەكەر نە من بخو دانابو من دزانی دێ هێمە كوشتن و ئەڤە هیڤیا منە.
سەروكێ دادگەهێ: دێ شێی بێژی بوچی هند نیگەرانێ بارزانیایی
قازی: ژبەر چەند ئەگەران
پرسیار: ئەو ئەگەر چنە:
مەلا مستەفا و بارزانی هیڤیا پاشەروژا مللەتێ كوردن، من ژی ئالایێ كوردستانێ ب وان راسپاردیە، ئەو پارێزگارێن وی ئالاینە، و تا روژا خو ئالایێ كوردستانێ لایێ وانە، هیڤیا من ژ خودێ ئەوە روژەك بهێت ئەو ئالا ب دەستێن ب شیان و ب هێزێن بارزانی ل سەر ڤی خانی بلند بیت كو ئەز تێدا هاتیمە دادگەهكرن و هەمی جهێن بلندێن كوردستانێ بهێتە بلندكرن.
ژێدەر: كیومەرس، دەقی دادگای كردنی پێشەوا قازی محەمەد و سەدرو سەیفی قازی
ئامادەكرن:بەدرەدین سالح
تێبینی:كیومەرس سالح هەوالنێرێ گوڤارا ئەرتەشی شاهینشاهـێ ئیرانێ،
خارزایێ سەرلەشكەر فەرەیدون جەم بو ئەوژی زاڤایێ شاهی بو
